الجمعة، 17 يوليو 2009

المدبح

لا تشغلنى فرحة زوجى بى وحضنه ليدى والعبث فى اصابعى كلما سنحت له الفرصة او لم تسنح بهمهمة من حولى وغمزاتهم علينا
فأنفلت من بين يديه حتى لا نثير حنقهم أكثر فيغضب كالاطفال ويعطينى نصيحته الذهبية الا ابالى الا به لكنى مرغمة أبالى واهتم حينما تتحول الهمهمة الى متوالية من النصائح ...أتصنع العمل بها لكنى اقع فى شر اعمالى حينما يتوالى تصنع الامتثال فتأتى الطامة الكبرى بالنصيحة الكبرى والتى وسطوا فيها جانب من الاهل بعض العمات والخالات وانا مندهشة مما يقولون ..لاأصدقه
ولا اصدق انهم يطلبونه منى ....فكانت الخطة المحكمة التى اتبعوها بعد اسداء النصح الجميل ورفضى التام له كان المقابل والتالى هو الوجه القبيح شهورا متوالية لا ارى الاوجها باردا من الجميع يبدأ اليوم به وينتهى أخره فتنصحنى ارقهن ان استسلم واذهب وانها ستذهب معى فاصرخ يعنى ايه اروح المدبح ؟؟حايعملوا ايه هناك وحينما تجدنى آسآل فى التفاصيل تعرف انها نجحت تقفز
فوق السؤال وتضاحكنى انها فرجة كبيرة سوف تضاف الى خبرتى الحياتية .....
لم احتمل الرفض طويلا... تشعرنى الوجوه المعتمة بالتحريض على الهرب وليته كان يسيرا فكنت اهرب للداخل داخل بيتى ثم داخل نفسى ثم الهروب اكثر داخل االلاوعى بالنوم والاحلام لكنى ابدا لم استطع الصمود لم اتحمل الاجتناب لشخصى ووجودى لم احتمل غربتى بينهم ورفعت الراية البيضاء وذهبت .. أ ختبئ خلف نظارتى السوداءاتلفع فى ملابس للحداد اشعر بمهانة الاستسلام..أتخبط فى مهابة الباب الملوث بالدماء ولاأصدق اننى هى من يمسك الغريب يدها ويشجعها أن تتماسك والبقرة تخور تحت قدمى وهو يأمرنى أن أخطو فوقها وهو يمارس العد بصوت جهورى كأنما يكمل اخافتى...واحد اتنين حتى وصل الى رقم سبعة فصرخ به فصرخت متشنجة ببكاء طويل جعله يربت على يدى ويبشرنى ان هذا الفزع والرعب اللذان رآهما على وجهى كفيلان ان يشفيننى وانه لن يمر الشهر الا وانا ممتلئة بطفل. اخجل منه ومن نفسى فانزاح بعيدا عنه وعمن أتت بى

هناك 16 تعليقًا:

أنسانة-شوية وشوية يقول...

اتخضيت
ومقدرتشاعلق في الاول،روحت عند نهى هديت ورجعت علشان اقول لك لي مش مصدقة ان تأثير المحيطين بينا يعمل كل ده فينا ، ليه وعلشان ايه بجد ازاى قدرتى تعرضى نفسك لكده
عارفة انى غلسة بس غصب عنى مقدرتش احوش كلامى لحسن افطص
بعيد عن لب الموضوع الصياغة تحفة كعادتك ومبسوطة ان نشاط عاد
بحبك حتى بعد الخضة

غير معرف يقول...

يا حبيبة قلبي :
أنا عارفة إنك شوفتي وآسيتي كتير ؛ بس دي أول مرة أسمع وأقرأ حكاية المدبح دي
دنا بس زمان وأنا صغيرة مدخلتش جوه المدبح أنا بس وقفت أستني ماما بره ؛ خرجت لاقيتني بيهوا عليا- وشي كان جايب ألوان أصفر وأخضر ومتلجة؟؟؟ !!! شوفي إنتي بأه؛؛؛؛ كله مكتوب خيره وشره ومش أنا إللي هاقولك كده، إنتي المثل الحي للرضا التام لقدرك ؛ أثابك الله علي صبرك علي محاولاتهم ونظراتهم ولكنك فعلتي كل ما في وسعك حتي لايلومك أحد ولا حتي نفسك .
نسيت أعتذرلك عن بكاءك ولكني لم أكتب غير الحقيقة والله علي ما أقول شهيد ؛؛؛
ديدي

غير معرف يقول...

اه ياربى ايه القسوة دى عليكى سبحان من بيده الملك ويهب الرزق
مش عارفة اقولك ايه البوست المرة دى بكانى حقيقى وانا عارفة طبعا قوة الزن والكلام فى المواضيع دى وانت عارفة ان اختى مرت بنفس تجربتك مع اختلاف التفاصيل واختلاف الناس اللى حواليها ولكن كانت النتيجة زى ماانت عارفة والحمد لله على كل شئ
المهم اسلوبك رائع كالعادة وانا متشكرة جداااااااا على الرسالة اللى بعتيها فى مدونة اميرة وعايزة اقولك ان لو ماكنش الناس اللى حواليا هم الاجمل مكنتش قدرت حتى اتواصل معاهم بس عاوزة بقى قرايه فى المصحف كل يوم واخد انا بقى الحسنات وده عشان تعرفى بس ان كده انتى اللى جميلك عليا كبير وربنا يجمعنا يارب فى جنه الفردوس زى ما جمعنا فى جنة الحرم واعذرينى ان كنت قصرت معاكى فى المدونة بس خلاص انا معاك ياجميل على طووووووووووووول بس انتى اكتبى ومتتاخريش علينا

نور الفجر

عمرو يقول...

لا لا لا
انتي تنفعي كاتبة قصة قصيرة. ياه, ياه ياه
أنا فعلاً قريت وأنا مشتاق أعرف ليه الست دي هاتروح المدبح. أد إيه في أفكار غريبة جدا عند كتير من الناس
استمتعت بقراءة البوست ده
:)

غير معرف يقول...

البوست اكثر من رائع
الى يعيش ياما يشوف من اهل الزوج ويشوف اكثر اعتقد لسه فى اسى لسه قادم مع انى بكيت بس عند اشتياق للباقى القصص
سردك للموضوع فيه اثرة وتشويق بجد تحفه

قطتى

akeed يقول...

مدونة رائعة اول مرورى عليها و سوف يتكرر باستمرار تحياتى و تقديرى

زوجة جداً يقول...

عزبزى أكيد:اشكر مرورك وكلماتك المشجعة
انتظر دوام المتابعة ..دمت بكل خير

أسما يقول...

هو ده انت و لا حدّ تاني؟! يا رب تكون قصة و مش بحق و حقيقي... انا مش لاقية كلام اقوله... بس سؤال علي جنب، هو انت ازاي زوجة جدا رغم ان ف زوجة تانية، هو ف راجل ف الدنيا يستاهل الحب ده؟!!!

زوجة جداً يقول...

عزيزتى lsolde:بدأت فى المدونة وانا انوى الكتابة عن زواج ثلاثى.انا وهو وهى.... ومع المقدمة وجدت اننى وزوجى نستحق بعض الانفراد فحكيت الحكاية من اولها وليتك تحكمين بنفسك ان كان يستحق ان اقبل من اجله من يقاسمنى فيه فانا طوال الوقت اوضح لماذا قبلت ..
سعدت بمرورك وتعليقك ..دمتى بكل خير

القدر و انا يقول...

زهرة جدددددا
وحشتينى جدا
رغم صداقتنا الطويلة الا انى اول مرة اسمع حكاية المدبح
ذكريات مؤلمة جدا ومعاناة ادعو الله ان يعوضك عنها خيرا
حبى وسلامى للجميع

غير معرف يقول...

زهرتى الجميلة اين انتى روحتى فين كل يوم ادخل المدونة ولم اجدك روحتى العمرة تانى ولا اية ارجعى كفاية كدة بقى حرررررررررررم كده اشتقنا كثير ليكى وعلى فكرة ما سمعتيش النهاردة كدة شكرا بقى شكرا شكرا يعنى

قطتى

لاسع افندى يقول...

دى اول زياره لمدونتك وعجبتنى القصه جدا وقريتها اكتر من مره

المشكله انى مش عارف اصنف المدونه قبل ما اضيفها لدليل المدونات هل هى مدونه ادبيه؟ ولا تجارب شخصيه ومقالات

يمكن لما اكمل قراية باقى موضوعات المدونه اقدر اصنفها
عموما هى مدونه جميله



تحياتى اللاسعه
وده لينك الدليل
http://dalilii.blogspot.com/

زوجة جداً يقول...

عزيزى لاسع باشا:سعدت جدا بتعليقك وسعدت اكثر لانه عرفنى على مدونتك استمتعت بكل الرباعيات خاصة :مش باقى منى ـالحزن ـقلب مفتوح ـالامل ـشهادة مميكنة ـ بلدى ....كلهم ...روح جميلة تلون المدونة سأضيفها دون تصنيف وليتك تفعل مثلى وان كنت مصر فهى حياتى اما قصصى فادعوك ان تزورنى فى مدونتى الثانية :انا وحكاياتى تستطيع ان تدخلها من الجانب الايسر للمدونة دوس وادخل على طول دائما مرحب بك

غير معرف يقول...

زهرتى الحبيبة اين انتى عودى يا زهرة وحشتينى اوووووووووووووووى


قطتى

غير معرف يقول...

اة يازهرتى من وجع الماضى ومن الالام امحيطين منا وكم يحق لهم التدخل بكل ذلك العمق بحجة انهم يرودون المصلحة وكانت وما زالت هذة التدخلات فى حياة كلا منا اين كان فى كل التفاصيلالحياتية ولكن كل شى واة حدودوبعدين احنا سعرنا معك باشياء عديدة وانهيارات عديدة ولكن كان زوجك نعم الزوج فقد كان معك بكل الحب ولكن الزن على الودان امر من السحر والحمد للة على سعة صدرك وربنايضعة كل ما قمتى بفعلة وانتى مرغمة ان يضعة فى ميزان حسناتك حببتك امش

shimo يقول...

يعني مش ممكن كدة كل الغيبة الطويلة دي انت بتحنسينا يعني كل يوم ابص بصاية و اقول ياااااارب يكوب في جديد و مش الاقي يعني اعيطلك و لا اعمل اية بقي ففففففففففففففففين الجديد و كفاية تحنيس بقي