الجمعة، 27 فبراير، 2009

ليلتنا الأولى

تكتحل عيناى بحبك فتثير لمعانها حتى مرآتى ..أتعجب كيف تتوارى ملامح ارهاقى وتعبى وتتورد وجنتى فيعرف كل من حولى

انك لابد قادم ...يقرأون أخبارك فى وجهى ...يعرفون أسرار الشجار وخبايا اللقاءات ...أمنح بسخاء حكاوينا ولاأؤمن بحكمة

مداراة الشموع حتى لاتنطفئ ...أتركها عارية من الخوف عليها ...شامخة بجمانها تختال بفرديتها وأبدا لا تنطفئ ....

تقاسمنى بهجة العلن ورجفة الخفاء..نتعجل سويا قطار الفرح الذى يأتى بطيئا فنتحايل فى انتظاره وأعلمك كيف تفرح
بحكاياتى وانا اطأ بقدمى بلاد العجائب وأغوص فى الاسواق أملأ قطار الفرح بأستعدادات الفرح وحين يمتلئ القلب بالرضا
حينها نسمع زغاريد الوصول وتلفنا الدوامات.....
دوامات الفرح الطفلى تمنحنى روحا وردية ...تحملنى عروسا أسطورية بين هلالات الحب النورانية
جنيات البحر تناديتى أن أقذف آخر أشرعتى وألتمس الأمن فى عيونك ..اتمدد فى بحيرات عيونك ..تلثمنى عيناك
ترشف حبى أتوارى أتدثر فى صمتى ..أتنفس نبضى تضيع النبضة التمس الخطوة تضيع الخطوة واسقط ..أسقط فى بئر خجلى
وكانت هذه ليلتنا الاولى وأول محاولاتك لانقاذى من بئر الخجل...............



هناك 16 تعليقًا:

أنسانة-شوية وشوية يقول...

زهرتى الجميلة

اتاخرتى اوى اوى وبعدين معاكي بطلي كسل بقي، التدوينة عن جد رائعة تسردين وتمتعين عن اعدادات الزواج بطريقة مختلفة رائعة كعادتك ، اما عن بئر الخجل فأنتى ايضاً من اخرجنى منه اتتذكرين

عوداً أحمد

عروسة يقول...

ممممممممممممم بوست جميل بجد ومبسوطة بزيارتي عندك
دمتي بالف خير وسعادة يارب

غير معرف يقول...

الى نقط النور اللى مالها عد..
حبيت ارد ما عرفتش .. طول عمرى حبيتك..طول عمرى خبيتك.. وابدآ ما جه فى بالى اننا نبقى هنا وتنظمى الحروف كلمات وانا والناس نقول الله...ويكون الكلام عننا...........انت ...وانا .

عارفه..

الحب عند كل الناس مولود.. اول ما يشوف الدنيا يصرخ وتحس الناس بوجوده.. ويا فرحة ابوه و امه.. الدنيا تطير بيهم ... يشيلوه.. يلاعبوه.. يهننوه..ويزيد القرب بيه.. ويعيش الحب بين ابوه وامه.. يكبرويقوىوهما بحنان وعشق حاضنينه.. ويخط الزمن تفاصيله.... اللى كان مولود صبح يكبر ويكبر وتتغير ملامحه وتصاويره.. ويطلب من ابوه وامه حنان بزيادة.. ورعاية بزيادة.. وكمان شوية اهتمام وهمايلبوا و يطيعوا.. ولمابالمرض ينصاب عالدوا يلفوا و يجيبوا.. و لما ياعينى يشيخ وتتحفر ف الوش تجاعيده ولا يلاقى حنان ولا يلاقىعشق ولا حتى اهتمام .. يذبل وهما شايفين .. ويموت وهما عايشين .. ويمكن مش حاسين.... ده الحب عند الناس ... ومش كل الناس ..ناس .. ومش كل المواليد.. حب ومش كل الحب مولود ........... حبنا مولودنا احنا ..اتولدنا بيه.. احنا اتوعدنا بيه.. ومن يوم ما شفنا الدنيا جوانا موجود .. حبنا كبر وقوى وخاطر ياما وجازف وياما كان ليه ف الحروب جولات لكنه انتصر بينا وجفف م الدمع قلوبنا وياما لملم جروحنا و شفاها وعشنا هو اللى حاضنا وطول عمره كان يواسينا.. ولما كبر حبنا ..خدنا تحت جناحه وبعطفه علينا ظلل ولما افتكر الناس ..اننا زى كل الناس ..حبنا راح يشيخ ويموت.. كان دوبنا فيه.. واكلنا وشربنا وروحنا راحت فيه.. انا وانت بقينا له عبدين.. وارواحنا له قرابين .. وبقينا مجرد نفس وروح.. يعيش بيهم ويكبر.. ونطيع لما يامر
حبيب القمر

القدر و انا يقول...

وحشتينى يازهرة
الله على حبك..
بس بلاش نظام التشويق القاتل ده
انتى مش بخيلة ابدا
فى انتظار تكملة اول ليلة
قلتووووووووووووووووووو ايه.

يابختك ياحمادة..........

ردك او حبك على المدونة عظيم..
وكلماتك بها عطر الزهور متجمع كله فى زهرتك العاشقة لدباديبك ياعم.

ربنا يحميكم من العين ..
ويفضل الحب هو اللى مراعيكم..
تحياتى

القدر و انا يقول...

يا حمادة يا جااااااااااااااااااامد

مصري جدا يقول...

انا لسة شايف اسمك
عند القدر وانا
ولفت انتبهاي ان اسم الاب عندنا مشترك
قلت ومالة نشوف فرب اخ لك
دخلت على ملف التعريف عندك
كلة كويس الى ان صدمت
انك متزوجة من راجل متجوز اتنين
انتي من البني ادمين بجد ؟
ولا ملاك ونازل اجازة وطالع تاني
ما قريتش اي حاجة بس بجد اللي مكتوب دة
طب احلفي
لا مش مصدق
اما استوعب ابقا اتكلم
يا نهار ابيض يا جدعان
دة مراتي لو تهيأ لها اني بصيت لواحدة يبقا يا داهية دقي

زوجة جدا يقول...

القدروانا:نادو حبيبتى باموت فى متابعتك لنا شفت حبيبى
عزيزى مصرى جدا :اه والله الكلام بجد بس ياريت تقرا وتقولى طيب شفت حبيبى واللى كاتبه فى التعليق هو موقع :حبيب القمر انا مش ملاك ولاحاجة وزى مراتك لو جوزى بص لواحدة تانية برضه يادهية دقى هو مش بص هو اتجوز بس الحكاية انى عارفة وعلى يقين من حبه وان جوازه لسبب لم أكن لاستطيع حرمانه منه ..على فكرة الحب يعمل أكتر من كده وخليك معانا شوية يمكن اعرف اقولللللللل....فرحنى مرورك وأخوتك ..دمت وزوجتك بألف خير

زوجة جدا يقول...

عروسةجميلة ورقيقة :اسعدنى وجودك جدا ورقتك وعلى فكرة مدونتك مختلفة ولها طابع خاص انتظر متابعتك ..دمتى لى بكل خير وسعادة

ملكة بحجابى يقول...

الله
انتى جميلة اوى
بجد انثى مختلفة
تقبلى انبهارى ومرورى
لقد منحتى عمرى بكلماتك شهادة ميلاد جديدة
واضفتى بابجديتك لمعة لعيناى

مصري جدا يقول...

سامحيني
بس الصدمة
أكيد الدنيا لسة فيها شوية خير
صدق رسول اللة صلى اللة علية وسلم
الخير في وفي أمتي الى يوم الدين

مصري جدا يقول...

اللة عليكم ربنا يبارك فيكم
فكرتوني بالذي مضى
أيوة كدة
شوية نور في وسط الايام البنفسجي دي

زوجة جدا يقول...

جميلتى الملكة :حينما تتوجنى ملكة فلابد ان لآلئ التاج اصيلة دعينى آمل ان استحقها اكثر ما اسعدنى انك اتحتى لى معرفتك كل اعجابى برائعتك "محكمة الشرف "انتظر متابعتك دمت لى

زوجة جدا يقول...

عزيزى مصرى جدا:انا ايضا اعتذر عن التأخير لكنى كنت أقرأ مدونتك اولا واكثر ما اعجبنى انها مرحة وانك برج عقرب زيى يعنى روابط الاخوة بتزيد ..اشكر متابعتك وسعدت جدا برأيك فينا ...تحياتى انا وزوجى

مصري جدا يقول...

ما يبقاش قلبك اسود
كل دة في الليلة الاولي بس
امال بعد كام سنة هتعملي اية؟
يلا بلاش كسل أكتبي

غير معرف يقول...

زهرتى الجميلة بجد وحششششششششششنى جدا نفسى اقعد اقرء ليكى عرف انك مخك ليس فى دمغك عرفه وقلقانة عليكى بجد وحشتينى


قتطى

غير معرف يقول...

زهرتى الجميلة
انا عرفة الظروف الى انتى فيها بس انتى عرفة ان انا طماعة كتير بس الحالة النفسية زفت وعندما اقراء ليكى بروح لعالم تانى غير هذا العالم الغريب وحشتينى اوووووووووووووووووى


قتطى